Il-Perit Nadia Gatt Curmi hija perit u uffiċjal pubbliku, magħrufa għall-ħidma tagħha fis-settur tal-infrastruttura u x-xogħlijiet pubbliċi f’Malta. Hija bdiet il-karriera tagħha fis-settur privat qabel ma’ daħlet fis-servizz pubbliku, fejn fl-2017 inħatret Direttur tad-Direttorat tal-Iddisinnjar tal-Proġetti u Inġinerija. Mill-2025, il-Perit Gatt Curmi inħatret Direttur Ġenerali tat-Taqsima tal-Proġetti Komunitarji fi ħdan id-Dipartiment tax-Xogħlijiet Pubbliċi. L-esperjenza estensiva tagħha fit-tfassil, l-immaniġjar u l-implimentazzjoni ta’ proġetti nazzjonali ta’ infrastruttura u restawr huma ta’ importanza għall-irwol tagħha fit-tmexxija ta’ proġetti kbar infrastrutturali u dawk ta’ restawr, inklużi spazji pubbliċi, riġenerazzjoni ta’ siti urbani, siti ta’ wirt kulturali u żvilupp ta’ diversi bandli.