Id-Dipartiment tax-Xogħlijiet Pubbliċi ħabbar proġett ħolistiku u sostenibbli, għar-riġenerazzjoni tal-promenade ta’ Birżebbuġa. Dan fuq medda ta’ aktar minn kilometru u nofs li jibda mill-Batterija Ferretti, sal-Piċċ tal-Waterpolo. Il-proġett ser jinkludi parkeġġ taħt l-art, ħames spazji miftuħa u karreġġjata għar-roti fost oħrajn. Ser jiġu investiti €12-il miljun għal dan il-proġett li għalih ikkontribwew ukoll studenti mill-Università ta’ Malta.
